Cynlluniwr taith
Yn teimlo ar goll yn eich dinas neu’ch tref newydd?
Gall y cyfnod pan fyddwch yn dechrau yn y brifysgol fod yn hynod o anodd, felly rydych wedi dod i’r man iawn i gael rhagor o wybodaeth am drafnidiaeth gyhoeddus yn eich ardal.
Sgroliwch i lawr i gael gwybod mwy...
Mae’r brifysgol wedi dechrau! Oes angen i chi ddod o hyd i ffordd o deithio o’ch neuadd breswyl i’r campws?
Mae ein cynlluniwr taith yma i’ch helpu i gynllunio eich taith a darganfod y ffordd hawsaf o gyrraedd y mannau yr hoffech fynd iddynt.
Ewch i'n Cynlluniwr Taith yma
Cynlluniwch eich taith
Teipiwch fan cychwyn a man gorffen eich taith yn y cynlluniwr taith, yn ogystal â’r dyddiad a’r amser yr hoffech chi deithio.
Pwyswch y botwm ‘Anfon’, ac yna bydd modd i chi weld yr opsiynau sydd ar gael i chi gyda’r holl wybodaeth y bydd arnoch ei hangen er mwyn cyflawni’r daith!
Beth am roi cynnig ar ei ddefnyddio yma?
Arosfannau bysiau
Oes angen i chi ddod o hyd i ffordd o gyrraedd y llyfrgell oherwydd bod dyddiad cwblhau eich traethawd cyntaf yn agosáu?
Os nad ydych yn siŵr pa fysiau sy’n rhedeg yn eich ardal, ewch i’n chwiliwr arosfannau bysiau!
Ewch i'n gwefan
Yma, gallwch ddarganfod pa arosfannau bysiau sydd yn eich ardal a pha wasanaethau y gallwch eu dal yno.
Teipiwch eich lleoliad yn y chwiliwr arosfannau bysiau a chliciwch ar yr arosfannau er mwyn gweld pa deithiau fydd yn eu gadael nesaf.
Ap Traveline Cymru
Mae’r penwythnos wedi cyrraedd! Ydych chi’n cynllunio trip siopa gyda’ch ffrindiau?
Gallwch gynllunio eich taith, cadw eich hoff arosfannau bysiau er mwyn cael gafael arnynt yn hawdd, a llawer mwy! Gallwch wneud argraff ar eich ffrindiau drwy ddod o hyd i’r bws nesaf i fynd â chi adref, a hynny’n syth drwy bwyso botwm!
Ffoniwch ni!
0800 464 0000
Ffoniwch ein canolfan alwadau er mwyn siarad ag un o’n hasiantiaid cyfeillgar a fydd yn gallu dweud wrthych pryd y bydd eich bws nesaf yn cyrraedd ac a fydd yn gallu eich helpu gyda’ch ymholiadau am deithiau a’ch galluogi i lenwi eich cwpwrdd bwyd!
Cymerwch gip ar ein cyfleuster defnyddiol ar gyfer chwilio am amserlenni ar ein gwefan.
Negeseuon testun
Ydych chi’n aros am y bws i fynd yn ôl i’ch neuadd breswyl ar ôl noson allan haeddiannol?
Defnyddiwch ein gwasanaeth negeseuon testun i gael gwybod beth yw’r 4 bws nesaf a fydd yn cyrraedd eich arhosfan. Efallai y bydd gennych amser i gael un ddawns fach arall!
Negeseuon testun
Mae gan bob arhosfan bysiau god 7 llythyren unigryw sydd i’w weld ar yr arhosfan. Anfonwch y cod hwn mewn neges destun i 84268* a chewch ateb gennym yn rhad ac am ddim**!
* Nid yw 84268 yn rhif cyffredin. Gallai gostio mwy na neges destun arferol ac efallai na fydd yn rhan o unrhyw fwndeli tariff. Gofynnwch i’ch darparwr ffôn symudol.
** Ni fydd yn rhaid i chi dalu am yr ateb os yw’r arosfannau bysiau dan sylw yng Nghymru. Bydd yn rhaid i chi dalu £0.25 am yr ateb os yw’r arosfannau bysiau y tu allan i Gymru.
Problemau teithio
Peidiwch â gadael i broblemau teithio ddifetha eich cynlluniau!
Gallwch ddefnyddio ein gwefan cyn cynllunio eich taith, er mwyn chwilio am unrhyw broblemau teithio yn eich ardal leol. Gallwch hefyd ddefnyddio’r bar chwilio i chwilio am rif eich bws, er mwyn gweld a oes rhywbeth yn effeithio’n uniongyrchol ar lwybr eich taith.
Dilynwch ni ar Twitter
Hoffech chi chwilio am broblemau teithio wrth fynd o le i le?
Dilynwch @TravelineCymru ar Twitter lle byddwn yn aildrydar y manylion diweddaraf am drafnidiaeth wrth iddynt gael eu cyhoeddi gan weithredwyr!
Siwrnai ddiogel i chi oddi wrth Traveline Cymru
Gallwch ffonio’r asiantiaid yn ein Canolfan Gyswllt
ar 0800 464 0000
Ewch i’n gwefan
www.traveline.cymru
Mae gennym wasanaeth negeseuon testun.
Rhif Traveline ar gyfer negeseuon testun yw 84268*
* Nid yw 84268 yn rhif cyffredin. Gallai gostio mwy na neges destun arferol ac efallai na fydd yn rhan o unrhyw fwndeli tariff. Gofynnwch i’ch darparwr ffôn symudol.
** Ni fydd yn rhaid i chi dalu am yr ateb os yw’r arosfannau bysiau dan sylw yng Nghymru. Bydd yn rhaid i chi dalu £0.25 am yr ateb os yw’r arosfannau bysiau y tu allan i Gymru.
Crëwyd gan Limegreentangerine
